Andoniren erronkak

Andoni Ortuzar.EBBko presidentea. 2013-01-10
Andoni Ortuzar.EBBko presidentea. 2013-01-10

Joan den larunbataz geroztik alderdiak presidente berria dauka. Urkullu lehendakariaren lekukoa hartu du Andoni Ortuzarrek EBBko buru gisa, baina izango dituen erronkak Urkulluk izan zituenaren oso desberdinak izango dira. Abertzaletasunaren erreferente nagusia izateaz gain, orain Eusko Jaurlaritza kudeatzeko ardura ere badu alderdiak, gure herriak bizi duen inoizko egoera ekonomikorik zailenetakoan. Euskal jendartearen nahia da agintari berriek krisialditik ateratzeko neurriekin asmatzea, bakean bizitzea, eta bere etorkizuna askatasunez eta modu demokratikoan erabakitzea. Guzti horregatik eman dio, hain justu, babes zabala EAJri duela gutxi egin diren hauteskundeetan. Andoniri aspirazio zaharrak baina erronka berriak dituen alderdia eramatea egokituko zaio. Bere zortea afiliatuok gure herrietan eta batzokietan egingo dugun lanari lotuta dago. Zarautzen gogor jarraituko dugu lanean.

Jarraitu irakurtzen

Zorte on !!

Iñigo Urkullu lehendakaria eta Bakartxo Tejeria, Eusko Legebiltzarreko presidentea.

Aro politiko berri bati ematen diogu gaur. Astelehen batzuk gogorrak izaten dira, baina beste batzuk, aldiz, itxaropena islatzen dute, hasiera berri bat, eta hala dugu gaurkoa. Gaur ekin dio bere lehen lan asteari Lehendakari gisa Iñigo Urkulluk. Esku artean, erronka ederra zein gogorra: Euskadi alor politikotik aurrera eramatea. Lehendakari abertzalea dugu, eta hauteskundeak irabazi dituena, gainera. Beraz, bozkek ematen duten zilegitasuna izango du Urkulluk, aurreko legealdian Patxi Lopezek izan ez zuena. Baina ez da atzera begiratzeko garaia. Egia da 27 legebiltzarkideren babesarekin hasi duela bere bidea Urkulluk, eta gehiengo zabalagoak bilatu beharko dituela.

Jarraitu irakurtzen

Elkarbizitzarako beste urrats bat

Zarauzko hilerria.

Eusko Legebiltzarraren baitan indarkeria politikoaren biktimak ebaluatzeko sortu den batzordea hasi da lanean, eta eman ditu dagoeneko bere lehen irizpenak: onartutako zortzi eskaeretatik, zarauztarrontzat aski ezaguna den bat dago: Juan Paredes Manot ‘Txikirena’. Txiki Frankismoaren azken biktimetako bat izan zen. 1975. urteko irailaren 27an afusilatu zuten, Bartzelonan, Angel Otaegi eta FRAPeko hiru kiderekin batera. Gerra kontseilu baten bidez eta bidezko epaiketarik gabe. Estatu mailan zein nazioartean hainbat eragilek egindako salaketek eta barkamena eskaerek -tartean erakunde ofizialenak- ez zuten ezertarako balio izan. Diktadoreak ez zuen gupidarik izan.

Jarraitu irakurtzen

Eskerrik asko

 

Zarauzko batzokia. 2012-10-21. Hauteskunde gaua

 

Atzokoa ospakizun eguna izan zen. Argi dago pozik egoteko motiboak baditugula EAJ-PNVn. Euskadi mailan, noski, baina baita herri mailan ere. Zarauzko emaitzak esanguratsuak izan dira: 2009ko hauteskundeetan baino ia 600 boto gehiago eskuratu dugu eta lehen indarra izan gara, EH Bildurekiko alde nabarmenarekin (ia 1.000 botoko abantaila). Argi dago zarauztarrek  Urkullu nahi dutela lehendakari, eta aldi berean begi onez ikusten dutela gure alderdiak egindako ibilbidea. Beraz, eskerrak konfiantza eman diguzuen guztioi.

Eta orain zer? Bada, ilusio handiagoarekin jarraituko dugula lanean Udalean EAJ-PNV ordezkatzen dugunok. Mahai gainean ideiak jartzen, eta oposiziotik etengabe plazaratu dugun mezua plazaratzen: Zarautzek ezin duela geldirik jarraitu. Une honetan herria geldirik dagoela, ez dagoela inongo ekimenik, eta Bilduren jarrerak ez duela ezertan laguntzen -beste alderdiak baztertzera, iraintzera eta entzungor egitera daraman jarreraz ari naiz- Beste behin, eskua luzatzen diogu alkateari elkarlanean aritzeko, elkarrekin ez bada, ez dugulako lortuko egoera honetatik ateratzea eta Zarautz hobetzea.

Bukatzeko, Zorionak Iñigo, erakutsi duzulako lidergo isila eta zintzotasuna direla jendearen konfiantza lortzeko modua. Zorionak, erakutsi duzulako politika titular gosea baino askoz gehiago dela. Zorionak eta zorte on. Euskaldunon Lehendakari izango zara eta argi dago denon laguntza beharko duzula gure herriak bizi duen egoera zailari aurre egiteko. Eta zorionak, azkenik, zure lehen hitzetan, harro agertu ondoren eta herriaren izenean modu merkean hitz egin ondoren, gure proiektuari eta nortasunari sendo eutsi diezulako: akordioa, elkarrizketa, elkarlana… eta lana. Lana, lana eta lana. Konpromisoa. Kanpainan zehar zabaldutako mezua hori baita.

Jarraitu irakurtzen

Forondatik indar berrituta

Alderdi Eguna 2012 from Iñigo Urkullu on Vimeo.

Alderdi egun guztiak dira bereziak. Herri honen aldeko grina eta lan egiteko gogoa partekatzen ditugun milaka alderdikide elkartzen gara urtero eta ezohiko energia sortzen da Forondako belardietan. Baina joan den igandekoa, beharbada, are bereziagoa izan da, ilusioa eta indarra berreskuratu ditugun seinale bihurtu baita. Horrelako topaketetan denetarik hitz egiten dugu; dagoenaz, ez dagoenaz, nola doakio honi, beste honi, zer moduz daramatzazu zuk dena… bizitza, azken finean. Baina solasaldi gehienetan, noski, datozen hauteskundeak izan ziren hizpide.

Denok dakigu urriaren 21ekoa oso hitzordu inportantea izango dela, bizi dugun uneagatik, arlo politikoan zein ekonomikoan. Inkesta guztiek EAJ-PNV  ematen dute garaile, baina ezin dugu inolaz ere erlaxatu eta lasaikerian erori. Ezker abertzaleak Aralar eta Eusko Alkartasunaren ahultasuna aprobetxatu ditu alderdi horien sektore handi bat fagozitatze prozesuan jartzeko, eta seguru sostengu aipagarria lortuko duela. Beraz, lanean jarraitzeko garaia da, beti defenditu ditugun euskarriekin: krisialdiari aurre egiteko ekimenak eta proposamenak, eta euskaldunon erabakitzeko eskubidea, Europan euskal estatuari atea irekitzeko.

Jarraitu irakurtzen

El legado del «cambio»

Patxi Lopez fue portada de la revista Vanity Fair.

Han pasado más de tres años y unos meses desde la investidura de Patxi López. Lo que PSOE y PP vendieron como un signo de “normalidad democrática” fue en realidad una maniobra para dejar fuera de juego al Lehendakari Ibarretxe, el candidato más votado de largo. La defensa que éste hizo del derecho a decidir del pueblo vasco, expresión que curiosamente ahora ha hecho suya la izquierda abertzale, no era plato del gusto de los partidos estatalistas, que con el eufemísticamente bautizado como “Acuerdo de bases para el cambio democratico”, y con un Parlamento trampeado gracias ala Leyde Partidos, cumplieron su único objetivo: desalojar a Ibarretxe de Ajuria Enea y hurtar el debate sobre la configuración de Euskadi como sujeto de decisión.

Poco tenía de novedoso la intentona. Respondía a la misma lógica que unió a Mayor Oreja y Redondo Terreros en 2001, previo acuerdo entre Zapatero y Aznar. La lógica de un partido socialista que, muy por encima de obrero, es español y defensor de la unidad indisoluble de la patria. La investidura de Patxi López fue toda una declaración de intenciones en ese sentido, al convertirse en el primer Lehendakari de la historia que invitó a la armada española, la guardia civil y la policía nacional al acto bajo el Árbol de Gernika, símbolo de las libertades del pueblo vasco.

Jarraitu irakurtzen

Zarauzko aurrekontuak

Zarauzko udaletxeko pleno aretoa. 2012-05-30

Asteazken honetan, ohiko udal osoko bilkura izan genuen. Gai garrantzitsuenetariko bat aurrekontuen hasierako onespena zen. Azkenean Bilduk,  Aralar eta Ezker Anitza alderdien botoak jaso zituen. Hauxek dira gure hausnarketa aurrekontu hauei ezezkoa emateko.

Gaurko honetan Udal aurrekontuen hasierako onarpena gauzatuko dela ikusita, EAJren Udal taldetik azaldu nahiko genuke zergatik emango dugun aurkako botoa. Aurrekontuak eta legealdiko lehen urte honetan gertatutakoa aztertu dugu, eta hainbat herritarrekin eta elkarterekin hitz egin eta iritziak jaso ondoren, eskematikoki baldin bada ere, gure ezezkoaren  arrazoiak bost ardatz nagusitan bildu ditugu:

Jarraitu irakurtzen

Urkullu lehendakari

Iñigo Urkullu Zarauzko malekoian.

Afiliatuok badakigu honezkero zein izango den EBBk herrietako batzarrei proposatuko dien hautagaia, lurralde bakoitzeko hautagaiekin batera, datozen urteetan Euskadi aurrera eramaten laguntzeko lan talderik onena izate aldera. Orain afiliatuoi dagokigu, tokian tokiko batzarretan, hautagairik onenari eta bere legebiltzarkide taldeari babesa eta indarra ematea.

Bere aberriarekin konprometitutako abertzalea da Iñigo Urkullu. Ondo prestatutako gizasemea, arrunt langilea. Duela lau urteko Batzar Nagusian  hura alderdiko lehendakari izendatzea egokitu zitzaidan. Ordutik hona, hainbatetan hitz egin ahal izan dut berarekin, eta beti iruditu zait pertsona adeitsua, gertukoa eta zorrotza aldi berean. Hedabideek hari buruz diote gaur tinko egiten duela lan, eta egia da. Euskadik halako pertsonak behar ditu, taldea egiteko eta lanerako gaitasuna dutenak, are gehiago dugun krisialdiarekin, eta PP-PSOE fronteak lau urte hauetan egindako hondamendiarekin. Herri honek ez du Teleberri- edo Vanity Fair-en agertzeko edozer gauza esan eta egiteko prest dagoen lehendakari frikirik. Lidergoa egun lana eta lan taldea da.   

Sentsibilitate ezberdinak batzen eta alderdiko buru izaten jakin izan du Iñigo Urkulluk. Orain, afiliatuok, konpromiso berri bat eskatzen diogu: Euskadiren buru izatea, herri oparoagoa egitea, ekonomikoki eta sozialki, eta batez ere, Europa barruan herri libreagoa eraikitzea. Zorte on Iñigo!

Jarraitu irakurtzen

Bildu pierde la calle

Artículo de opinión. Diario Vasco. 2012-05-19
 

Decía Winston Churchill que fanático es alguien que no puede cambiar de opinión y no quiere cambiar de tema. La frase me ha recordado a la actitud de Bildu con su permanente obsesión con el puerta a puerta. A estas alturas es evidente que Bildu ha hecho bandera política de esta cuestión, con consecuencias muy graves: en lugar de cumplir su deber y poner Diputación, mancomunidades y ayuntamientos al servicio de la ciudadanía, somete a ésta al dictado de dichas instituciones, o más concretamente, al servicio de los postulados ideológicos de Bildu, que es quien gobierna. Y es que, lamentablemente, Bildu ha hecho de la recogida de basuras una cuestión de disputa ideológica.

Han pasado unos meses desde que el partido de Garitano anunciara su intención de imponer el puerta a puerta en 34 municipios de Gipuzkoa mediante una rueda de prensa, en lo que constituyó una falta de respeto flagrante hacia dichos Ayuntamientos, sus representantes públicos, y sobre todo a la ciudadanía. En Zarautz, que es uno de esos 34 municipios, desde la oposición hemos presentado más de una moción reclamando que sea la ciudadanía la que tenga la última palabra sobre la puesta en marcha del puerta a puerta a través de una consulta, y Bildu siempre ha votado en contra.

Jarraitu irakurtzen

Goian bego !

 

Iñigo Cabacasen heriotzak soka luzea ekarri du, eta ez da gutxiagorako. Barrenak mugitzen ditu gazte bizkaitar honi egin diotenak, eta senitartekoen eta lagunen azalean jartzeak. Politikarion erreakzio katearen gainetik, samina nagusitzen da, eta zentzurik gabe uzten ditu hitzak eta adierazpenak, dena ilunduz. Ospakizun gaua behar zuena gau beltz bihurtu zuen Ertzaintzako zenbait kideren arduragebekeriak eta gehiegizko indarkeriak. Egindakoak ez du atzera bueltarik. Iñigok agur esan du eta oso zaila da hori barneratzea. Heriotz guztiak dira onartzen zailak, baina beste edozein baina zailagoa da hau.

Gertatutakoaren detaileak ezagutu ahala. Samina ez ezik, sumina ere areagotuz doa. Autopsiak, pilatuz doan lekukotzak… guztiek ematen dute aditzera gauza bera: inolako justifikaziorik gabe neurrigabeko oldarkortasuna erabili zuela Ertzaintzak, alde batera utzita herritarren babesle gisa dagozkion ardura eta zuhurtzia. Ezkutatzen, edo atzeratzen saiatu badira ere, egia beti azaleratzen da lehenago edo beranduago, eta ostegunean gertatutakoa giza eskubideen aurkako eraso larria da, irmo gaitzetsi beharrekoa.

 Tamalez, justiziak eta egiak ez dute Iñigo gurera ekarriko, baina exijentzia politikoa eta, batez ere, morala da gertatutakoa azken ondorioetaraino ikertzea, eta erantzukizunak argitu eta zuritzea. Era berean, oinarriak jarri beharko dira halakorik sekulan errepikatu ez dadin.

Doluminak familia eta lagunei. Goian bego.

Jarraitu irakurtzen