#OrainUdalak

 

3N5A9704

Atzokoan aukera izan nuen Gipuzkoako Udaletako ordezkaritza zabal baten aurrean herritarren partaidetzari lotuta esku artean ditugun asmoak eta proiektu zehatzak azaltzeko. 2016ko Partaidetza Planaren lerro nagusiak partekatu ahal izan nituen 70 alkate eta partaidetza teknikari ingururekin.

Laster ezagutaraziko dugu Plan Gipuzkoako gizartearen aurrean, baina dagoeneko aurreratu dezaket Udalekiko lankidetza izango dela osagai nagusietako bat, eta helburu horretan kokatzen da atzoko topaketa. Alor guztietan sustatu nahi dugu Udalekiko elkarlana, baina partaidetza dinamiken kasuan, uste dut elkarlan honek baduela garrantzi berezi bat. Izan ere, askotan norbere udalerria da parte-hartzerako esparru ‘naturalenetako’ bat, tamaina txiki edo ertainekoetan batez ere. Beraz, partaidetza prozesuak martxan jartzerakoan, ezinbesteko bazkide dira Udalak.

Hala, aurki aurkeztuko dugun Planak hainbat ekintza aurreikusten ditu Udalekiko lotura horiek sendotzeko. Partaidetzako kultura sustatzeko eta errazteko ekintzen barruan, Udalen Kontseilua sortuko dugu. Udaletako langileei bideratutako Prestakuntza Plan bat onartuko dugu, diru-laguntza lerro berriak ezarriko ditugu, eta praktika onak aintzat hartu eta sarituko ditugu.

Oro har, harrera ona izan zuen egitasmoak, eta oso interesgarria izan zen alkate eta teknikarien zalantzak, ekarpenak eta iritziak entzutea. Izango dira desadostasunak bidean, baina bat gatoz Udalen protagonismoa ezinbestekoa dela herritarrekin harreman irekia sendotu eta Aldundian eta Gipuzkoan partaidetza instituzionalizatzeko. Ez da batere abiapuntu txarra.

Jarraitu irakurtzen

Urratsa bikaintasunerantz


 

Oharkabe samarrean pasa bada ere, albiste inportantea plazaratu genuen atzo. Aldundian Kudeaketa Publikoko Eredua (KPAE) ezarriko dugu. Eusko Jaurlaritzak eta Euskalitek administrazioko hainbat langileren ekarpen boluntarioekin osatutako eredua da, eta EFQM ereduak urte askoan pilatutako eskarmentua du oinarri. Ez da abiapuntu txarra, nazioartean aitorpen ugari jaso dituen eredu kontrastatua baita EFQM, arrakasta frogatu duena.

Edozein enpresa eta erakundek badaki zer den geroz eta eszenatoki lehiakorragoan aritu behar izatea. Eta erakunde publikook ere, geroz eta errealitate konplexuagoari egin behar diogu aurre, gure jomuga den gizartea ere geroz eta konplexuagoa delako. Aldatuz joan dira herritarren eskakizunak eta beharrak, areagotu egin da gurekiko exijentzia maila, eta teknologia berriek ere sekulako eragina eduki dute. Erakundeen eta herritarren arteko komunikazioa eta harremanak ez dira garai batekoak.

Fenomeno horretara egokitu behar gara erakunde publikoak. Ohituretan, prozeduretan eta eguneroko praktiketan eduki behar du isla horrek. Aldundiaren antolaketa eraldatzeko prozesu sakonean murgildurik gauden honetan, KPAE oso lagungarria izango dela uste dut, eredu kontrastatua, publikoa, eta euskalduna delako, euskal erakundeek euskal erakundeontzat pentsatua eta prestatua, alegia. Administrazio maila guztietan homologazioa lortzeko ere balioko du, beraz.

Zer lortuko dugu honekin? Erakundean kudeaketa eraginkorragoa, gardenagoa, koordinatuagoa,  arinagoa eta desburokratizatuagoa edukitzea.  Eredu berriari esker Aldundiak hobeto aprobetxatuko ditu bere prozesuak eta baliabideak, duplizidadeak saihestuz.  Bere giza taldeak trebezia eta ezagutza berriak eskuratuko ditu, formakuntzaren bitartez konpromisoa sendotuz. Plangintzari ere garrantzi berezia emango zaio, helburuak Kudeaketa Plan Estrategikoarekin bat etor daitezen eta antolaketa ere horren arabera egokituz. Alegia, planifikazioa bermatuko da, inprobisazioa saihestuz.

Eta azkenik, berrikuntza, administrazio egokia eta etika publikoa sustatuko dira, jasangarritasuna, aukera berdintasuna edota euskararen erabileraren normalizazioa bezalako balioekiko erantzukizuna azpimarratuz.

Guzti hauek, etxe barruko lanak izanda ere, eragin nabarmen eta zuzena izango dute gure politiketan eta herritarrek jasotzen duten zerbitzuan. Makinaria puntu-puntuan jartzen lagunduko gaitu KPAEk. Bikaintasuna ez baita eslogan hutsa, eguneroko kontua eta gure betebeharra baizik.

Jarraitu irakurtzen

Gipuzkoa, cada vez más transparente

La Diputación de Gipuzkoa es, desde hace unas semanas, la primera institución pública de Euskadi que da a conocer la agenda diaria de sus más altos representantes. Una información que en otros países como Inglaterra o EEUU está disponible y es de obligada publicación desde hace años, y cuyo acceso facilitan también, más recientemente, instituciones como la Comisión Europea. Cualquiera puede consultar, a través de la nueva web de la Diputación –www.gipuzkoa.eus-, a qué dedicamos los diputados y diputadas  nuestro día a día, a qué actos acudimos y con quién nos reunimos. De forma sencilla, accesible y actualizada, a través de un calendario similar al que la mayoría utilizamos en nuestro correo electrónico.

Jarraitu irakurtzen

Gipuzkoatik Europara, Europatik Gipuzkoara

22837035214_4a95214093_z

Europa beti egon da hor. Baina behar adina ez diogu begiratu, akaso. Ezagutza faltagatik batzuetan. Zaila baita, onar dezagun, Europar erakunde, sare eta proiektuaren ozeanoaren ikuspegi zehatz bat edukitzea. Beste batzuetan, berriz, beharra sumatu ez delako. Krisia iritsi aurretik, esaterako. ‘Oparotasun’ garaian, dena ikusten da ezberdin. Hori horrela, gertatu da bakarrik aginduak, arauak edo zigorrak iritsi direnean akordatu garela Europarekin. Edota erabakigarriak diren diru-laguntza batzuk jokoan zeudenean. Fondo ekonomikoekin, edo isunekin identifikatu izan da.

Europa hori baino askoz gehiago da, ordea. Edo izan beharko luke. Bada eredu aurreratuenetatik ikasteko aukera. Bada daukagun onena partekatu eta kontrastatzeko aukera -politika sozialak, esaterako-. Bada aukera ugari eskaintzen dituen  eremua, arlo estrategikoetan gainera: enplegua, kohesio soziala eta territoriala, ekonomia berdea, gobernantza ona, ikerkuntza eta garapena… Bada erreferentea, bada merkatua, eta bada elkarlanerako derrigorrezko esparrua. Hori ondo asko dakite gure enpresek, urteak daramatzatelako bertan saltzen. Baina orain esparru hori beste arlotara zabaldu nahi dugu, polika sozialetara, smart city-ra, eta kulturara, adibidez -Donostia 2016 bertan dugu-.

Hori dela eta, atzo Bruselan egon ginen. Euskal eurodiputatuekin, Euskadiren delegazioko arduradunekin, eta partaidetza eta ekintzailetasun arloetako ordezkari eta langileekin batzartu ginen, besteak beste. Eskertzekoa da denek egin ziguten harrera eta kolaboraziorako erakutsitako prestutasuna.

Aldundian ezartzen ari garen egitasmo eta proiektu nagusien berri ematea zen helburuetako bat, horien artean hiru nabarmenduz: legealdiko lehentasunak jasotzen dituen Kudeaketa Plan Estrategikoa; Gipuzkoako Ekonomia Suspertzeko Plana, datozen lau urteetan 200 milioi euroko inbertsioa ekarriko duena; eta ‘Gipuzkoa Indartuz’ izeneko proiektua. Azken horrekin, Kanpo Harremanetako zuzendaritzaren bidez, europar eremuarekiko harremanak sendotu nahi ditugu, bertako erakundeekin elkarlan arina eta sistematikoa bermatzeko, eta aldi berean Europaren kontzeptua Lurraldean indartzeko.

Gakoa ez da bakarrik finantziazioa lortzea eta gure lehentasunak eta beharrak aurkeztea, dirulaguntzen ikuspegitik, baizik eta loturak indartzea eta europar erakundeekin etengabeko komunikazioa edukitzea. Gipuzkoatik Europara, eta Europatik Gipuzkoara. Onerako izango da, seguru.

Jarraitu irakurtzen

Eredugarritasunean eredu

blog
Urbeltzek bi liburu argitaratu ditu Foru Aldundiarekin lankidetzan.

Aldundiko bozeramaile bezala, nahi baino gehiagotan tokatzen zait albiste txarrak ematea, edo ez espero bezain onak, behintzat. Baita ezetz esatea ere. Bizitzan bezala, aurreikuspenak eta nahiak bide batetik doaz, eta errealitatea bestetik. Hori dela eta, berri atsegin bat ematerakoan, poza bikoitza izaten da. Zer esanik ez berri hori gaur jakinarazi dugunaren tankerakoa denean: Juan Antonio Urbeltzi Gipuzkoako Urrezko Domina eman dio Aldundiak. Gainera, errekonozimendu horren instrukzioa gauzatzea egokitu zaidanez, gertu-gertutik bizitzeko aukera eta ohorea izan dut.

Agerraldian, eta bertan banatu dugun dokumentazioan, luze eta zabal azaldu ditugu erabaki horren motiboak. Blogeko sarrera honetan, baina, haren giza balioak goraipatu nahiko nituzke. Haren eskuzabaltasuna, hainbat persona eta talderekin modu desinteresatuan lan egitera eraman duena. Haren zintzotasuna, euskal dantzaren eta euskal kulturgintzaren alorrean pertsona askoren bihotzetan lekua egin diona. Eta nola ez, haren zorroztasuna eta ekiteko gaitasuna, galtzeko arriskuan zegoen ondare aberatsa ahanzturaren atzamarretatik libratu duena.

Sarritan esaten dugu Gipuzkoak baduela herrigintza sare bat oso antolatua eta dinamikoa, eta horrek asko errazten duela erakundeon lana, ez dugulako zerotik hasi behar edo bidea urratu behar. Hala, beste batzuen ahaleginak laguntzea, erraztea eta bideratzea bihurtzen da gure egiteko nagusi. Urbeltz bezalako bazkideekin, dena da errazagoa. Balio dezala Domina honek Gipuzkoak berarekin duen zorraren zatitxo bat kentzeko, bederen. Zorionak!

P.D: Izendapenaren instruktore gisa, izugarri lagungarria egin zait Oier Araolaza, Mikel Sarriegi eta Iñaki Arregi dantza maisuek erraztutako informazioa, Urbeltzen figuraren handitasunari tamaina hartu ahal izateko. Hirurei, milesker.

Jarraitu irakurtzen

Ez ditut plastiko beltzak gustuko

Aste honetako agendako gaiak, eta gure lurraldeko albiste nagusiak aztertzerakoan, irudi bat etorri zait gogora; Hondarribiko Alardeko argazki itsusi bat. Ez dut betiko alardea edo alarde mistoaren inguruko eztabaidan parte hartzeko asmorik. Batzuen eta besteen aldeko argudioak ezagunak dira eta garbi dago adostasunik ez dagoela jaia ospatzeko moduaren inguruan. Gaia gatazkatsua da oraindik, ertz eta korapilo askokoa. Ez dut, beraz, nire blogeko lerro hauetan Alardearen konponbiderako giltzarririk azalduko, ez dudalako proposamen berririk.

Hau esanda, badago azpimarratu nahi dudan kontu bat. Ez zitzaidan batere gustatu Alardearen osteko egunkarietan ikusitako argazki bat. Neska gazte batzuk plastiko beltzarekin egin zieten harrera alarde mistoaren kideei, beraien aurretik pasatzerakoan. Gogorra eta tristea iruditu zitzaidan.

Euskal Herrian egoera gogor asko bizi izan ditugu herriz-herriko festetan. Kartel iraingarriak, lekuz kanpoko pintadak, mehatxuak, eta baita ekintza larriagoak ere. Eta beti pentsatu izan dut nola den posible festa batzuetan, ondo pasa behar dugun une batean, horrelakoak gertatzea. Ez zait buruan sartzen. Edozeinek du eskubide osoa festa nola ospatu nahi duen erabakitzeko, baina beti besteak errespetatuz.

Ulertzen dut alarde eredu baten aldekoa izatea, baina horrek ez du justifikatzen bestelako eredua duen pertsonari harrera plastiko beltzarekin egitea, besteen eskubidea ere errespetatu behar delako. Norbaitek esango du adierazpen askatasuna dela, baina ez nago ados. Irainek eta indarkeria berbalak ez dute lekurik gure herriak bizi duen egoera politiko eta sozial berrian. Ez lukete eduki behar. Errespetua eta tolerantzia dira elkarbizitzaren oinarriak. Ezagutzen nauenak badaki beti defenditu dudala hori. Euskaldunok ez dugu asmatu sarritan desadostasunak egoki kudeatzen, eta oraindik badugu iraganetik zer ikasia.

Jarraitu irakurtzen

El buen gobierno en Gipuzkoa

txikia

Artikulu hau publikatu dut Noticias de Gipuzkoa egunkarian. Legealdi honetan Gobernantzan izango ditugun erronkan zenbatzen ditut bertan. Eredu berri bat ezartzeko ilusio eta indarrik ez zaigu falta, elkarlana, irekitasuna eta gardentasunean oinarrituta.

http://www.noticiasdegipuzkoa.com/2015/08/28/opinion/tribuna-abierta/los-retos-del-buen-gobierno-en-gipuzkoa

Jarraitu irakurtzen

Gipuzkoatik mundura, mundutik Gipuzkoara

imanol astillero

Betidanik izan dugu gipuzkoarrok atzerrirako joera. Denboran atzera eginez, mundua zeharkatzen aitzindari izan ziren marinel eta arrantzaleen historia topatzen dugu. Merkataritza arloan, berriz, ‘Real Compañía Guipuzcoana de Caracas’ bezalako ekimenak aurkitzen ditugu. Eta hor daude ere, beharrak jota, menderik mende gure mugetatik haratago bizimodua ateratzera joan behar izan zuten milaka eta milaka gipuzkoarrak –oraindik ere asko dira, aukera bila, kanpora jo behar duten gazteak, zoritxarrez-.

Gipuzkoaren historia nekez uler daiteke munduaren historia gabe. Ezta gaur egungo errealitatea ere, globalizazioak fenomeno hori areagotu baitu. Gipuzkoako ekonomia, gizartea, zientzia, kultura…munduarekin lotuta daude. Ikusi besterik ez dago nazioarteko merkatuetan lehiatzeko gure enpresek urte luzez egin duten eta egiten duten ahalegina; Erasmuz beken edo bestelako ekimenen bitartez bere burua atzerrian formatzen duten gazteak; gure ikerketa eta teknologia zentroak, goi mailakoak direnak; edota urtero gure lurraldea bisitatzen duten milaka turistak, zein munduko herrialdeak bisitatzen dituzten gipuzkoarrak.

Kosmopolita zen, da eta izango da Gipuzkoa. Munduari irekitako lurraldea. Eta lurralde gisa hazten eta gipuzkoarron bizi-kalitatea hobetzen jarraitu nahi badu, ezinbestekoa du nazioartean duen presentzia indartzea. Jarraitu behar du merkatu berriak irekitzen, ezagutzak eta esperientziak partekatzen –badugu zer erakutsi, kooperatibismo edo ongizate arloan adibidez-, eta Europako eta munduko herrialde aurreratuenen ereduetatik ikasten.

Gipuzkoako Foru Aldundiak badu zeresana egiteko horretan. Aktiboa izan behar du gure ekonomia, kultura eta gizartearen nazioarteratzeko prozesuan. Horretarako, plangintza sustatuko dugu arlo guztietako eragileekin, eta beste erakundeekin elkarlanean, behar bezala erantzuteko empresa, ikerketa zentro, unibertsitate, sortzaile eta herritarren beharrei. Gipuzkoatik mundura, eta mundutik Gipuzkoara.

P.D: Aipatu Gabe utzi dut Donostia 2016, Gipuzkoa munduan kokatzeko aukera aparta izango dela. Baina horrek beste sarrera bat merezi du. Laster…

Jarraitu irakurtzen

Homenaje a Joxe Mari Korta

Argazkia DV
Argazkia DV

La sucesión de eventos, homenajes y celebraciones que suele darse en la escena pública, y especialmente en la política, puede darnos la sensación de que todos los actos son iguales. Y no es así, ni mucho menos. Hace unos días realizamos, un año más, un homenaje a Joxe Mari Korta, asesinado por ETA hace quince años. Un triste aniversario que venía celebrándose anualmente, pero que en esta ocasión contaba con una novedad significativa: la asistencia, por primera vez, de representantes de todos los partidos políticos de los Ayuntamientos de Zestoa y Zumaia.

Recuerdo como si fuera ayer el Pleno de hace quince años, en el que el Ayuntamiento de Zestoa gobernado por la izquierda abertzale se negó a condenar el asesinato de Korta. En aquel momento, como miembro del GBB, uno de nuestros cometidos era el de arropar, ayudar y orientar a los concejales y alcaldes cuando se daba una de estas macabras acciones, por aquel entonces desgraciadamente habituales, y ayudarles a gestionar las emociones y la organización de manifestaciones y actos de repulsa.

Me tocó estar en aquel Pleno personalmente, y tengo muy viva la imagen de la mesa central del salón de plenos de Zestoa, con los familiares de Korta presentes, y de cómo el Ayuntamiento fue incapaz de condenar el asesinato a sangre fría de un vecino. Era imposible no ponerse en la piel de los familiares y amigos y no hacer suyo el sentimiento de desgarro por el que estaba pasando.

La asistencia, quince años después, del nuevo alcalde de Zestoa al homenaje a Joxe Mari Korta es una buena noticia porque salda una deuda pendiente demasiado tiempo atrás. Pero está claro también que queda mucho por hacer en lo que se refiere a la memoria, la lectura de la violencia, y el reconocimiento del daño causado.

Jarraitu irakurtzen