Castillo Suarez idazle nafarrak eskuratu du Zarauzko Euskara Zerbitzuak antolatzen duen Lizardi Sariaren XXVIII. edizioa. Irudiotan, sari-banaketari dagokion prentsaurrekoaren pasarteak.
LIZARDI SARIA, CASTILLO SUAREZENTZAT
Atzo arratsaldean, Sanz Enea liburutegian, eman genion Castillo Suarezi (Altsasu, 1976) Zarauzko Udaleko Euskara Zerbitzuak antolatzen duen XXVIII. Lizardi Saria. Idazle nafarrak Ebelina Mandarina lanarekin lortu du saria. Haurrentzat idazten duen aurrenekoa da, hain justu. Bederatzi lan aurkeztu dira 2009ko sariketara, eta Suarezena aukeratu du Jesus Mª Olaizola Txilikuk, Miren Agur Meabek, Xabier Mendigurenek eta Ruben Ruizek (2008 eta 2007ko lehiaketetako irabazleak, hurrenez hurren) eta Imanol Lasa Euskara zinegotziak osatutako epaimahaiak.