Udako programa

Dagoeneko ongietorria eman diogu aurtengo udari Zarautzen.  Atzo aurkeztu genuen udako egitaraua, eta aurten ere musika, kultura, kirola eta kale animazioaz gozatu ahal izango dugu, ia egunero. Oso garai berezia da herriarentzat, baina ez da erraza izan egitarau-agenda osatzea, krisiak gogor astintzen jarraitzen baitu. Aurrekontua ia %40 jaitsi behar izan dugu, eta horrekin batea herriko elkarte, talde eta eragileen ahalmen ekonomikoak ere behera egin du. Gainera, babesle pribatuak lortzea oso zaila da garaiotan.

Hori dela-eta, bereziki aipatu nahiko nuke Zarauzko kultur, kirol eta aisialdi kolektiboek egin duten ahalegina. Haiengatik izango ez balitz ezinezkoa izango litzateke udan hainbeste ekitaldi izatea. Benetan eskertzekoa da herriari giroa emateko egiten duten lana, eta uste dut orain zarauztarroi dagokigula lan hori eskertzea, antolatutako ekitaldietan parte-hartuz, hain zuzen.

Arlo honetan ere, elkarlana da oraina eta etorkizuna. Zarauzko Turismo Bulegoak lankidetzan dihardu une oro herriko talde eta norbanakoekin, eta lankidetza horren emaitza da, egoera ekonomikoak jarritako sasi guztien gainetik, atzo aurkeztu genuena: egitarau txukuna, zaindutakoa, eta publiko guztietan pentsatuz prestatutakoa.  Gozatu dezagun bake giroan.

Programa deskargatzeko aukera, hementxe:  egitaraua

Jarraitu irakurtzen