Forondatik indar berrituta

4.POLITIKA

Alderdi Eguna 2012 from Iñigo Urkullu on Vimeo.

Alderdi egun guztiak dira bereziak. Herri honen aldeko grina eta lan egiteko gogoa partekatzen ditugun milaka alderdikide elkartzen gara urtero eta ezohiko energia sortzen da Forondako belardietan. Baina joan den igandekoa, beharbada, are bereziagoa izan da, ilusioa eta indarra berreskuratu ditugun seinale bihurtu baita. Horrelako topaketetan denetarik hitz egiten dugu; dagoenaz, ez dagoenaz, nola doakio honi, beste honi, zer moduz daramatzazu zuk dena… bizitza, azken finean. Baina solasaldi gehienetan, noski, datozen hauteskundeak izan ziren hizpide.

Denok dakigu urriaren 21ekoa oso hitzordu inportantea izango dela, bizi dugun uneagatik, arlo politikoan zein ekonomikoan. Inkesta guztiek EAJ-PNV  ematen dute garaile, baina ezin dugu inolaz ere erlaxatu eta lasaikerian erori. Ezker abertzaleak Aralar eta Eusko Alkartasunaren ahultasuna aprobetxatu ditu alderdi horien sektore handi bat fagozitatze prozesuan jartzeko, eta seguru sostengu aipagarria lortuko duela. Beraz, lanean jarraitzeko garaia da, beti defenditu ditugun euskarriekin: krisialdiari aurre egiteko ekimenak eta proposamenak, eta euskaldunon erabakitzeko eskubidea, Europan euskal estatuari atea irekitzeko.

Jarraitu irakurtzen

Urkullu lehendakari

4.POLITIKA

Iñigo Urkullu Zarauzko malekoian.

Afiliatuok badakigu honezkero zein izango den EBBk herrietako batzarrei proposatuko dien hautagaia, lurralde bakoitzeko hautagaiekin batera, datozen urteetan Euskadi aurrera eramaten laguntzeko lan talderik onena izate aldera. Orain afiliatuoi dagokigu, tokian tokiko batzarretan, hautagairik onenari eta bere legebiltzarkide taldeari babesa eta indarra ematea.

Bere aberriarekin konprometitutako abertzalea da Iñigo Urkullu. Ondo prestatutako gizasemea, arrunt langilea. Duela lau urteko Batzar Nagusian  hura alderdiko lehendakari izendatzea egokitu zitzaidan. Ordutik hona, hainbatetan hitz egin ahal izan dut berarekin, eta beti iruditu zait pertsona adeitsua, gertukoa eta zorrotza aldi berean. Hedabideek hari buruz diote gaur tinko egiten duela lan, eta egia da. Euskadik halako pertsonak behar ditu, taldea egiteko eta lanerako gaitasuna dutenak, are gehiago dugun krisialdiarekin, eta PP-PSOE fronteak lau urte hauetan egindako hondamendiarekin. Herri honek ez du Teleberri- edo Vanity Fair-en agertzeko edozer gauza esan eta egiteko prest dagoen lehendakari frikirik. Lidergoa egun lana eta lan taldea da.   

Sentsibilitate ezberdinak batzen eta alderdiko buru izaten jakin izan du Iñigo Urkulluk. Orain, afiliatuok, konpromiso berri bat eskatzen diogu: Euskadiren buru izatea, herri oparoagoa egitea, ekonomikoki eta sozialki, eta batez ere, Europa barruan herri libreagoa eraikitzea. Zorte on Iñigo!

Jarraitu irakurtzen

Urteroko mitina

2.ZARAUTZ 4.POLITIKA

Zarautz. EAJ-PNVko mitina. Lege Zahar Enparantza. 2011-09-26

Urte asko pasa dira Zarauzko EAJ-PNVko zenbait emakumek, Xabier Arzalluzen laguntzarekin, uda bukaeran lehen aldiz ekitaldia antolatu zutenetik. Zatiketaren garai gogorrak ziren, 80ko hamarkadan. Denborarekin, alderdikide batzuen kemenak sortutako ekitaldi horrek indarra hartu zuen, eta ofizializatu ere egin zen. Gaur egun, Zarauzko ekitaldia, eta ondorengo afaria, klasiko bihurtu zaigu. Alderdikideak agurtzeko eta harremanak sendotzeko aukera polita da. Ez hori bakarrik; askorentzat, urte politikoaren hasieraren adierazle ere bada Zarauzko mitina.

Jarraitu irakurtzen

Nuestro compromiso

3.GIPUZKOA 4.POLITIKA

El sábado por la mañana un centenar de jóvenes candidatos por EAJ-PNV nos reunimos en el Parque Tecnólogico de Miramon para hacer evaluación de lo realizado desde la Oficina de Participación Ciudadana de la Diputación y presentar nuestros compromisos  en esta materia. Eneko Goia, proximo alcalde de Donostia, presentó las ideas y el siguiente decálogo.

COMPROMISOS PARA IMPULSAR LA PARTICIPACIÓN CIUDADANA

1.     Impulsar programas específicos de comunicación directa con la ciudadanía en Euskadi para informar y deliberar sobre las políticas públicas de las instituciones. FORU ALDUNDIA ZURE HERRIAN o GIPUZKOA ERAIKITZEN constituyen unos buenos ejemplos para seguir profundizando en la relación entre instituciones y ciudadanía.    

Jarraitu irakurtzen

Alderdiaren batzarra

4.POLITIKA

EAJ-PNVren Aberri Batzarra. Urkullu eta Erkoreka. Bilbo. 2010-10-15. Iphone argazkia.

Atzo arratsaldean,  19:30etan, alderdiaren aberri batzarra izan genuen. Batzarkideon jakin-mina nabaria zen eta akordioaren muina ezagutzeko irrikitan geunden. Urkulluren esanetan alderdi sozialistarekin hitzartutako eskumenen inguruko akordioa primerakoa da eta aspaldiko abertzaleon eskakizuna,  azkenean lortu da. Botila erdi hutsik ikusiko dutenak egon egongo dira baina ezin da ukatu EAJ-PNVek egin duen lana Gernikako Estatutua betetzeko. Bakea eta egoera politikoaren inguruko akordioak sinatzeko ere jarri dira zenbait zutabe, nahiz eta oraindik adostuta ez egon. Akordioak Patxi Lopez alde batera utzi du, jokoz kanpo, eta oposiziotik ere lan ederra egin daitekeela erakutsi. Herri hau lideratuko genuela esan genuen eta hitza betetzen ari gara.  Bukatzeko, azken ideia bat; zein garrantzitsua den Madrilen ere, indar propioa izatea. Gure sei diputatuek, Erkoreka buru dela, izugarrizko zukua atera diote Zapateroren ahultasunari.

Jarraitu irakurtzen