Gipuzkoa eredu

integridad

Azken bost urteetan asko aldatu gara. Krisi ekonomiko larria izan dugu eta oraindik ere ondorio latzak ari gara pairatzen. Ez dugu berdin lan egiten eta ziurrenik ez dugu berdin pentsatzen. Uste baino gehiago aldatu da gure gizartea eta onerako edo txarrerako izan den, hurrengo belaunaldiek esango digute.

Garai gogor honetan, euskaldunon gizatasunaren balioa nolakoa den ezagutzeko aukera ere izan dugu. Euskal Herria beti izan da herri solidarioa eta hala izan da aitortua. Gizarte sare garrantzitsua sortu dugu, inor bazterrean gelditu ez dadin. Ekonomia sozialerako enpresak eta gizarte politika aurreratuenetarikoa duen herria da gurea, eta Gipuzkoa da ziurrenik hori hoberen islatzen duen lurraldea. Hala diote behintzat azken inkesta eta ikerketek.

Hau guztia esanda, aitortu beharra dago gure arteko mesfidantza ere areagotu egin dela.  Egungo gizarte gipuzkoarra ez da gure gurasoek ezagutu eta bizi izan zuten bezalakoa. Lehen irakasleek ikastolan beti zuten arrazoia, orain, berriz, gutxitan. Lehen, ohikoa zen auzoko harategian hileroko erosketak egitea eta hilabete bukaeran dena batera ordaintzea; orain, ordea hileroko erosketak merkataritza gune erraldoietan egin ohi ditugu. Seguraski gizarte modernoago batean bizi gara, baina onartu beharra daukagu askatasun, konfiantza eta alaitasun pixka bat ere galdu dugula.

Politikagintzan ere oso epe laburrean gauza asko ari dira aldatzen. Sakoneko aldaketak ari gara burutzen euskal administrazioetan herritarren nahi berriei egokitzeko. Herritarren eskaerak handitu egin dira, erantzun berriak jaso nahi dituzte eta, batik bat, herri ordezkarien jokabidea zuhurrago izan dadin espero dute. Izan ere, erakundeak kudeatzen dituzten pertsonen jokabide esparrua ondo adieraztea garrantzitsua da, printzipio eta baloreak ondo zehaztuz. Gipuzkoa horretan ere eredu eta erreferente izan nahi du, eta, horregatik, Aldundian, onartu berri dugu, edozein elkartek, enpresak edo eragilek egiten duenaren antzera, sistema integral berri bat.

Jarraitu irakurtzen

Urratsa bikaintasunerantz


 

Oharkabe samarrean pasa bada ere, albiste inportantea plazaratu genuen atzo. Aldundian Kudeaketa Publikoko Eredua (KPAE) ezarriko dugu. Eusko Jaurlaritzak eta Euskalitek administrazioko hainbat langileren ekarpen boluntarioekin osatutako eredua da, eta EFQM ereduak urte askoan pilatutako eskarmentua du oinarri. Ez da abiapuntu txarra, nazioartean aitorpen ugari jaso dituen eredu kontrastatua baita EFQM, arrakasta frogatu duena.

Edozein enpresa eta erakundek badaki zer den geroz eta eszenatoki lehiakorragoan aritu behar izatea. Eta erakunde publikook ere, geroz eta errealitate konplexuagoari egin behar diogu aurre, gure jomuga den gizartea ere geroz eta konplexuagoa delako. Aldatuz joan dira herritarren eskakizunak eta beharrak, areagotu egin da gurekiko exijentzia maila, eta teknologia berriek ere sekulako eragina eduki dute. Erakundeen eta herritarren arteko komunikazioa eta harremanak ez dira garai batekoak.

Fenomeno horretara egokitu behar gara erakunde publikoak. Ohituretan, prozeduretan eta eguneroko praktiketan eduki behar du isla horrek. Aldundiaren antolaketa eraldatzeko prozesu sakonean murgildurik gauden honetan, KPAE oso lagungarria izango dela uste dut, eredu kontrastatua, publikoa, eta euskalduna delako, euskal erakundeek euskal erakundeontzat pentsatua eta prestatua, alegia. Administrazio maila guztietan homologazioa lortzeko ere balioko du, beraz.

Zer lortuko dugu honekin? Erakundean kudeaketa eraginkorragoa, gardenagoa, koordinatuagoa,  arinagoa eta desburokratizatuagoa edukitzea.  Eredu berriari esker Aldundiak hobeto aprobetxatuko ditu bere prozesuak eta baliabideak, duplizidadeak saihestuz.  Bere giza taldeak trebezia eta ezagutza berriak eskuratuko ditu, formakuntzaren bitartez konpromisoa sendotuz. Plangintzari ere garrantzi berezia emango zaio, helburuak Kudeaketa Plan Estrategikoarekin bat etor daitezen eta antolaketa ere horren arabera egokituz. Alegia, planifikazioa bermatuko da, inprobisazioa saihestuz.

Eta azkenik, berrikuntza, administrazio egokia eta etika publikoa sustatuko dira, jasangarritasuna, aukera berdintasuna edota euskararen erabileraren normalizazioa bezalako balioekiko erantzukizuna azpimarratuz.

Guzti hauek, etxe barruko lanak izanda ere, eragin nabarmen eta zuzena izango dute gure politiketan eta herritarrek jasotzen duten zerbitzuan. Makinaria puntu-puntuan jartzen lagunduko gaitu KPAEk. Bikaintasuna ez baita eslogan hutsa, eguneroko kontua eta gure betebeharra baizik.

Jarraitu irakurtzen

Gipuzkoa, cada vez más transparente

La Diputación de Gipuzkoa es, desde hace unas semanas, la primera institución pública de Euskadi que da a conocer la agenda diaria de sus más altos representantes. Una información que en otros países como Inglaterra o EEUU está disponible y es de obligada publicación desde hace años, y cuyo acceso facilitan también, más recientemente, instituciones como la Comisión Europea. Cualquiera puede consultar, a través de la nueva web de la Diputación –www.gipuzkoa.eus-, a qué dedicamos los diputados y diputadas  nuestro día a día, a qué actos acudimos y con quién nos reunimos. De forma sencilla, accesible y actualizada, a través de un calendario similar al que la mayoría utilizamos en nuestro correo electrónico.

Jarraitu irakurtzen

Eredugarritasunean eredu

blog
Urbeltzek bi liburu argitaratu ditu Foru Aldundiarekin lankidetzan.

Aldundiko bozeramaile bezala, nahi baino gehiagotan tokatzen zait albiste txarrak ematea, edo ez espero bezain onak, behintzat. Baita ezetz esatea ere. Bizitzan bezala, aurreikuspenak eta nahiak bide batetik doaz, eta errealitatea bestetik. Hori dela eta, berri atsegin bat ematerakoan, poza bikoitza izaten da. Zer esanik ez berri hori gaur jakinarazi dugunaren tankerakoa denean: Juan Antonio Urbeltzi Gipuzkoako Urrezko Domina eman dio Aldundiak. Gainera, errekonozimendu horren instrukzioa gauzatzea egokitu zaidanez, gertu-gertutik bizitzeko aukera eta ohorea izan dut.

Agerraldian, eta bertan banatu dugun dokumentazioan, luze eta zabal azaldu ditugu erabaki horren motiboak. Blogeko sarrera honetan, baina, haren giza balioak goraipatu nahiko nituzke. Haren eskuzabaltasuna, hainbat persona eta talderekin modu desinteresatuan lan egitera eraman duena. Haren zintzotasuna, euskal dantzaren eta euskal kulturgintzaren alorrean pertsona askoren bihotzetan lekua egin diona. Eta nola ez, haren zorroztasuna eta ekiteko gaitasuna, galtzeko arriskuan zegoen ondare aberatsa ahanzturaren atzamarretatik libratu duena.

Sarritan esaten dugu Gipuzkoak baduela herrigintza sare bat oso antolatua eta dinamikoa, eta horrek asko errazten duela erakundeon lana, ez dugulako zerotik hasi behar edo bidea urratu behar. Hala, beste batzuen ahaleginak laguntzea, erraztea eta bideratzea bihurtzen da gure egiteko nagusi. Urbeltz bezalako bazkideekin, dena da errazagoa. Balio dezala Domina honek Gipuzkoak berarekin duen zorraren zatitxo bat kentzeko, bederen. Zorionak!

P.D: Izendapenaren instruktore gisa, izugarri lagungarria egin zait Oier Araolaza, Mikel Sarriegi eta Iñaki Arregi dantza maisuek erraztutako informazioa, Urbeltzen figuraren handitasunari tamaina hartu ahal izateko. Hirurei, milesker.

Jarraitu irakurtzen

Zuek, etxerako

Zuek etxerakoona

Nire agendan eguneko ekintzak eta egin beharrekoak ondo ditut zehaztuta; norekin elkartuko naizen, zein lekutan, zein dokumentu eduki behar dudan landuta eta, batzuetan, zer irakurri behar dudan ere bai, ezer oker atera ez dadin. Ekitaldi guztiak dira inportanteak, baina horien artean badaude, garrantzi handia edukitzeaz gain, oso bereziak edo ezohikoak direnak. Atzo Azpeitian eduki nuena, esaterako.

Herri horretan, Eroski eta Gureak, bat eginda, supermerkatu berri bat ireki dute. Beste edozein lekutan eros daitezkeen produktuak aurki ditzakegu, baina harrera eta giza harremanak desberdinak dira. Denda berri honetan lan egiten duten guztiak aniztasun funtzionala duten pertsonak dira. Dagoeneko, 2015. Urtean, ez luke  berri aipagarria izan beharko pertsona hauek lanean, dantzan edo kirola egiten ikusteak, baina oraindik albistea da eta, beraz, gizarteratzeko lan handia dagoela adierazten digu.

Nire agendan ekitaldi berezia zen, gorriz neukana margotua. Hala izan zen. Ilusio eta gogoa izan ziren nagusi. Goi mailako bi enpresa gipuzkoar, indarrak batuta, bere onena emateko prest agertu dira zerbitzu berritzaile bat abian jarriz gure Lurraldean integrazio sozial eta profesionala bultzatzeko. Ekonomia sozialaren eta berrikuntzaren adibide bikaina.

Gureakeko langileak ere bere onena emateko prest agertu dira. Alai eta arduratsu. Gureak eta Eroski Gipuzkoan ditugun bi altxor dira, eta gaurtik aurrera lan egitera doazen langile berriak, daukagun onena. Horregatik, atzo hala esan nien: zorte on eta zuek, etxerako.

Jarraitu irakurtzen

El buen gobierno en Gipuzkoa

txikia

Artikulu hau publikatu dut Noticias de Gipuzkoa egunkarian. Legealdi honetan Gobernantzan izango ditugun erronkan zenbatzen ditut bertan. Eredu berri bat ezartzeko ilusio eta indarrik ez zaigu falta, elkarlana, irekitasuna eta gardentasunean oinarrituta.

http://www.noticiasdegipuzkoa.com/2015/08/28/opinion/tribuna-abierta/los-retos-del-buen-gobierno-en-gipuzkoa

Jarraitu irakurtzen

Gipuzkoatik mundura, mundutik Gipuzkoara

imanol astillero

Betidanik izan dugu gipuzkoarrok atzerrirako joera. Denboran atzera eginez, mundua zeharkatzen aitzindari izan ziren marinel eta arrantzaleen historia topatzen dugu. Merkataritza arloan, berriz, ‘Real Compañía Guipuzcoana de Caracas’ bezalako ekimenak aurkitzen ditugu. Eta hor daude ere, beharrak jota, menderik mende gure mugetatik haratago bizimodua ateratzera joan behar izan zuten milaka eta milaka gipuzkoarrak –oraindik ere asko dira, aukera bila, kanpora jo behar duten gazteak, zoritxarrez-.

Gipuzkoaren historia nekez uler daiteke munduaren historia gabe. Ezta gaur egungo errealitatea ere, globalizazioak fenomeno hori areagotu baitu. Gipuzkoako ekonomia, gizartea, zientzia, kultura…munduarekin lotuta daude. Ikusi besterik ez dago nazioarteko merkatuetan lehiatzeko gure enpresek urte luzez egin duten eta egiten duten ahalegina; Erasmuz beken edo bestelako ekimenen bitartez bere burua atzerrian formatzen duten gazteak; gure ikerketa eta teknologia zentroak, goi mailakoak direnak; edota urtero gure lurraldea bisitatzen duten milaka turistak, zein munduko herrialdeak bisitatzen dituzten gipuzkoarrak.

Kosmopolita zen, da eta izango da Gipuzkoa. Munduari irekitako lurraldea. Eta lurralde gisa hazten eta gipuzkoarron bizi-kalitatea hobetzen jarraitu nahi badu, ezinbestekoa du nazioartean duen presentzia indartzea. Jarraitu behar du merkatu berriak irekitzen, ezagutzak eta esperientziak partekatzen –badugu zer erakutsi, kooperatibismo edo ongizate arloan adibidez-, eta Europako eta munduko herrialde aurreratuenen ereduetatik ikasten.

Gipuzkoako Foru Aldundiak badu zeresana egiteko horretan. Aktiboa izan behar du gure ekonomia, kultura eta gizartearen nazioarteratzeko prozesuan. Horretarako, plangintza sustatuko dugu arlo guztietako eragileekin, eta beste erakundeekin elkarlanean, behar bezala erantzuteko empresa, ikerketa zentro, unibertsitate, sortzaile eta herritarren beharrei. Gipuzkoatik mundura, eta mundutik Gipuzkoara.

P.D: Aipatu Gabe utzi dut Donostia 2016, Gipuzkoa munduan kokatzeko aukera aparta izango dela. Baina horrek beste sarrera bat merezi du. Laster…

Jarraitu irakurtzen

Markel Olano, Diputatu Nagusi berria

Sorpresarik onena, maiatzeko hauteskundeen ondotik. Gipuzkoak Ahaldun Nagusi berria izango du: Markel Olano Arrese. Ondo ezagutzen dut Markel. Besteak beste, berarekin parez-pare lan egiteko zortea izan dudalako. 2007-2011 legealdian, bere kabineteko kide izan nintzen, eta legealdi hartako azken bi urteetan berriz, Herritarren Partaidetzarako bulegoa martxan jarri eta Partaidetza zuzendari izateko ardura eman zidan. Izan ere, politika eraberritzeko eta Gobernu Onaren aldeko apustua egiteko nahia ez da atzo goizekoa. Ordurako garbi ikusten genuen politika egiteko modu irekiagoa, gardenagoa, parte-hartzaileagoa eta partekatuagoa ezarri behar genuela. Derrigorrezkoa zela elkarlanaren alde egitea, dudarik gabe, bai herritarrekin, bai eragile sozial eta ekonomikoekin, eta baita erakundeen artean ere.

Erronka potoloak izango ditu esku artean Markelek. Behinena, ekonomia eta enpleegua sustatzea. Lanik gabe daude 44.000 gipuzkoarrei eta gorriak ikusten ari diren enpresei alternatibak eskaini behar zaizkie. Aberastasuna lortzeko eta, horrela, ongizate sistemari eusteko, ekoizpen ehuna modernizatu, indartu eta nazioarteratzeko ahalegina egin behar da. Horretarako, zerga sistema ere aldatu behar da. Eta hondakinen kudeaketan, garraio azpiegituretan, euskara eta kulturan zein normalizazio politikoan ere badago zer egin.

Seguru nago Markelek ez duela huts egingo, eta bere gobernuak egonkortasuna, kudeaketarako gaitasuna eta seriotasuna ekarriko dituela. Seguru nago ere alderdikeriarik gabe gobernatuko duela, gizpuzkoar guztion beharrak eguneroko kudeaketaren ardatz gisa hartuta. Zorionak, eta zorte on, Markel!

Jarraitu irakurtzen

El futuro de las políticas sociales en Gipuzkoa

gizartepolitika

“Yo hago lo que usted no puede, y usted hace lo que yo no puedo. Juntos podemos hacer grandes cosas”. Esta idea recogida en una de las conclusiones de las jornadas Prest sobre gobernanza organizada por el PNV en Gipuzkoa, ilustra muy bien una de las grandes bases sobre las que hemos construido el progreso económico y social de Gipuzkoa: la colaboración. El nuestro siempre se ha caracterizado por ser un territorio pequeño con gran capital humano, preparado y capaz de hacer frente al futuro de manera colectiva. Hemos sido una sociedad altamente cohesionada en términos de bienestar económico y atención social.

No es de extrañar que haya sido precisamente aquí donde el cooperativismo haya tenido mayor impronta, las ikastolas sus primeras aulas, o los primeros talleres para la plena integración social de las personas con discapacidad a través de su inserción laboral. Gipuzkoa ha sabido que la manera más eficaz de afrontar problemas y retos que nos afectan a todos es, precisamente, sumar esfuerzos y aunar voluntades. La imposición, la ruptura y las decisiones unilaterales son completamente ajenas a esa exitosa hoja de ruta que la sociedad y las instituciones guipuzcoanas han venido trazando exitosamente hasta ahora.

Jarraitu irakurtzen

Gipuzkoarrok prest

Joan den larunbatean, Gipuzkoa Prest dinamika aurkeztu genion lurraldeko gizarteari, gure alderdiak Batzar Nagusietarako, Donostiarako eta beste 15 herritarako aurkeztuko dituen hautagaiak ezagutarazteaz gain. “Pertsona askeek osaturiko gizarte askea” eraikitzen laguntzea helburu duen proiektua. Horretarako baditugu pertsonak, eta baditugu ideiak. Luzaroan aritu gara lurraldeko elkarte eta eragileekin, beraien proposamenak jasotzen eta lantzen, eta ahalegin horren emaitza dira aurkeztu ditugun lau gaikako Prest dokumentuak: Gobernu Onari, Gizarte Ongizateari, Ekonomiari, eta Estrategia Politikoari buruzkoak. Hemendik aurrera, dokumentu horiek berriz ere kontrastatuko eta eztabaidatuko ditugu herritarrekin eta herri-eragileekin, guztion artean ekintza politiko irekiagoa, etikoa, eraginkorragoa, eta autokritikoagoa diseinatuko dugun itxaropenarekin. Ilusio handia pizten duen proiektua da eta niretzat ohore eta plazer handia izaten ari da honen antolaketan parte hartzea.

 

Jarraitu irakurtzen