Emaitzen hausnarketa

Europar hauteskundeak 25-05-2014
Europar hauteskundeak 25-05-2014

Pozik gaude Zarautzen lortutako emaitzekin eta Izaskun Bilbao Barandikari emandako babesarekin. Zarauztarrek gure alderdia egiten ari den lana baloratzen dutela uste dugu, eta emaitzok herriak gobernuan eskatzen duen estilo aldaketaren seinale direlakoan gaude.

Euskadiko zazpi lurraldeak aintzat hartuta, EAJ-PNV nagusitu da bozetan. Hauteskunde hauek ez dute historikoki interes handirik piztu gizartean, eta giro horretan EAJ-PNV osatzen dugun guztiok garrantzizko esfortzua egin dugu emaitza txukuna lortzeko. Dena den aipatutako giro horrek hausnartzera eraman behar gaitu, gure ekimen politikoa hobetzeko hausnarketa egitera, herriz herri.

Jarraitu irakurtzen

Muñecas

Argentinako María Servini de Cubría epaileak Zarautzen eta Tolosan atxilotuak torturatzeagatik inputatu du Jesús Muñecas Aguilar. Muñecasek Andoni Arrizabalaga torturatu zuen 1968an. Bere anaiek, Zarautzen ikusi ahal izan zuten Arrizabalaga –“ez zuen gizakia ematen”– eta Muñecasek irribarre ziniko batez zera esan zien: “Hori gertatzen zaio kolaboratu nahi ez duenari”. Azken aldi honetan bere anaiari elkarrizketa ugari egin diote gertatutakoa salatzeko. Zarautzen, Andonik kale nagusiko guardia zibileko kuartelean pasatakoa, ondo dakite beste zarauztar askok. Ondorengo bideoan, Joakin Landak, bere bizipenak adierazten digu. Zur eta lur gelditu naiz kontatzen dituenak entzutean. Tortura bizipen guzti hauek ezin dira ahaztu eta beharrezkoa da, herriz herri, giza eskubideen udal batzordeak abian jartzea memoria ere lantzeko. Badugu oraindik zer egin ondorengo oinarrizko printzipio orokor hau onartu ezkero.

Etorkizuneko bake eta bizikidetzak eskatzen dute indarkeriaren bidegabekeria aitortzea, egindako mina eta biktimen duintasuna onartzea, biktima guztiek merezi baitute egia, justizia eta erreparaziorako eskubidea.

Jarraitu irakurtzen

Espainiar bandera zarautzen

Zarauzko udaletxean jarritako plaka. 2014-03-12
Zarauzko udaletxean jarritako plaka. 2014-03-12

Zarauzko udaletxean espainiako bandera jartzera inposatu gaituzte. Hau dela eta ezohiko udalbatzarra egin genuen herenegun iluntzean,  EAJk eta Bilduk aurkeztutako mozioa bozkatzeko. Hau da han irakurritakoa :

Ikurrak oso garrantzitsuak dira. Behin baino gehiagotan esan da banderak trapu zaharrak baino ez direla. Eta bai, bandera oihal zati bat da, baina baita sinbolo bat ere, ikur bat, eta ikurren atzean balio handiko gauzak daude: ametsak, sentimenduak, proiektuak, baloreak, loturak, sustraiak, historia eta etorkizuna.

Jarraitu irakurtzen

Gure esku dago

Gure esku dago ekimena. Zarauzko munoa. 2014-02-09. Lorentxo Portularrumeren argazkia.

Makina bat herritar elkartu ginen atzo goizean Munoan, Gure Esku ekimenaren baitan antolatutako ekitaldian. Ederra joan zen ekitaldia, eta ederra atera zen mosaiko modura antolatutako Ikurriña. Beste behin, argi eta ozen esan genuen hemen badagoela bere etorkizuna erabaki, eta bere geroaren jabe izateko desioa eta borondate irmoa duen herri bat. Datorrenari itxaropentsu eta gogotsu begiratzen dion herria. Juan Jose Ibarretxe Lehendakariak atzo bertan Noticias de Gipuzkoa egunkariak egindako elkarrizketa bikainean esan bezala, “katea ez da eten”. Munduan merezi duen eta dagokion tokian eskuratu nahi du Euskadik. Munduari begiratu, gure sustraiak, nondik gatozen, ahaztu gabe, gure iragana eta etorkizuna oraina landuz eta erronkak gaindituz lotu. Mosaikoa osatuta, bakoitza bere koloreko kartulinarekin, zera adierazi nahi izan genuen: gure herri nortasunaren defentsa batzen gaituena, eta guztiok asko dugula egiteko, bakoitza bere esparrutik, ekonomian, herrigintzan, kulturan, politikan, kirolean, etxean, kalean… edonon.

Zarautzen, aspaldian ez zen antolatzen ideologia desberdineko hainbat pertsona biltzen zituen ekimenik. Pozik egoteko modukoa bada. Elkarbizitzaz eta berradiskidetzeaz, hitz egiten dugunean, halako aurrerapausoak ematea oso inportantea da. EAJ-PNVk itsasargi izan ditu beti norbanako eskubideen defentsa, lehenik eta behin, eta herri gisa erabakitzeko eskubidearena. Ardatz horiek eraman gaituzte herri honen sentsibilitate nagusiarekin konektatzera. Harro jarraituko dugu ezaugarri horiekin bat datozen ekimenetan parte hartzen, batzen gaituena azpimarratuz, eta desberdintzen gaituenari buruz akordioak lortzen hasteko ateak irekiz. Talde lana, elkarlana, lidergo partekatua… hau da jarraitu beharreko bidea, mosaikoa beste esparru askotara ere eramateko kapaz izan gaitezen.

Jarraitu irakurtzen

ELKARREKIN ETA SENDO

Iñigo Urkullu lehendakaria zarauzko malekoian. 2014-02-03

Esan ohi da gaitz guztietatik atera daitekeela alderdi onik. Denboralak ondorio larriak utzi ditu Zarautzen, Gipuzkoako kostaldean, eta Euskal Herri osokoan ere. Kalteak zenbatzeko lanak bukatu ez diren honetan, oraindik ere erne eta alerta ibili beharko dugu, iragarpenak ez baitira onak: gaurko olatu gogorrak espero dira, eta ondorengo egunetan ere aurreikuspenak ez omen dira onegiak. Hemendik nire babes eta elkartasuna adierazi nahiko nieke kalteak sufritu dituzten guztiei. Ezbehar pertsonalik ez da izan, zorionez, baina materialak bai, asko eta larriak gainera. Igandean, malekoian ikusitakoa latza izan zen. Txikizio handia izan da eta ezin asmatu zer esan Edu edo Geronimori. Zenbatetan ez duten pairatu olatuen indarra…

Gertatu ez balitz hobe, jakina, baina bada hondamenditik irakaspen positiboak ateratzerik. Oro har, erakundeen eta gizarte zibilaren jarrera itsasaldiari aurre egiterakoan eredugarria izan dela esango nuke. Bi izan dira lan horren gakoak: prebentzioa, hau da, ezbeharrari aurre hartzea ahal den neurrian; eta, batez ere, elkarlana eta talde lana. Zarauzko Udaleko aurtengo aurrekontuen definizio fase honetan, lehentasunak olatuen indarrak jarri digu eta denon elkarlana ere beharrezkoa izango da.

Jarraitu irakurtzen

Imposición versus cultura democrática

 

Los ayuntamientos del Territorio han dado importantes pasos atrás en materia de transparencia, eficiencia en la gestión y participación ciudadana. Los días y los años van pasando y nada cambia en esta legislatura. Ahora que termina un nuevo año y hablando con otros concejales del partido observo que la realidad en la gran mayoría de los municipios de Gipuzkoa gobernados por Bildu es que no informan de su gestión y ponen constantes trabas a la oposición para que ejerzamos nuestra labor a la hora de proponer nuevas ideas y controlar y fiscalizar la acción del gobierno. Las comisiones municipales, que son el órgano habitual de información y trabajo, están siendo devaluadas y vaciadas de contenido: no llevan a las mismas información, no se organizan con regularidad, y la gran mayoría de decisiones se toman al margen de las comisiones. Y se dan a conocer por decreto de alcaldía. Gobiernan a base de decreto.  Lo que nos lleva a enterarnos de importantes decisiones y medidas por la prensa. Se lo hemos dicho por activa y por pasiva en más de una ocasión, pero como a los niños, tras prometernos cambios, a los días ya se les ha olvidado todo lo dicho.

Las solicitudes de informes de legalidad a los servicios jurídicos municipales empiezan a ser una constante. La ciudadanía nos pide que aguantemos y demos a conocer sin tapujos lo que sucede en los ayuntamientos. En este sentido, creo que todavía tenemos mucho trabajo para dar a conocer  como es debido toda la información sobre la contratación pública: contratos y adjudicaciones a dedo, las lecturas partidistas de las ordenanzas, etc,… Un trabajo a realizar con lupa.

Jarraitu irakurtzen

herrigintza

Beti uste izan dugu herri bat denon artean eraiki behar dela. Denok garelako herriaren parte. Eta denona den etxe hori eraikitzerakoan, uste dugu zimendua herriko elkarte, talde, eragile, kolektibo eta antzekoak direla. Nolako Zarautz nahi dugun erabakitzerakoan, hortaz, ezinbestekoa da herriko elkarteen iritzia aintzat hartzea, haien jarduna eta kezkak gertutik ezagutzea, guztien ekarpenak jasotzea eta ekarpen horiek ekintza plan edo diseinu batean txertatzea.

Horregatik egon behar dugu etengabe haiekin harremanetan ordezkari politikoak. Zarautz herri bizia baldin bada, neurri handi batean haien ahaleginari, elkartasunari eta dinamismoari delako posible. Une zailak bizi ditugu. Herritarrok, eta baita elkarteek ere. Horregatik, inoiz baino beharrezkoagoa da epe luzera begiratzea eta lanean hastea, nolako Zarautz nahi dugun zehaztea, eta helmuga horretara iristeko bide-orri bat finkatzea.

Hedabideetan jakinaraziko dugun moduan, gure alderdiak hausnarketa prozesu sakona hasi du etorkizuneko Zarautz hori egi bihurtzeko. Eta horretarako, herriko hainbat elkarterekin bilduko da sistematikoki. Dagoeneko ekin diogu lan horri, eta esan behar dugu lehen bilerak oso aberasgarriak izan direla. Pasa den astean Photomuseum eta Zarauzko Kirol Elkarteko kideen ekarpenak jaso ahal izan genituen. Beste asko iritsiko dira hurrengo egunetan eta hoien berri blog honetan izango duzue.

Azken finean, politikagintza eta herrigintza gauza bera dira.

Jarraitu irakurtzen

Izan zaretelako, gara

Zarauzko batzokia. 2013-09-26.
Joan den asteazkenean Zarauzko EAJ-PNVk omenaldia egin zien alderdiaren eta herriaren alde guztia eta gehiago eman duten lau gizon-emakumeri: Kepa Murua, Nikolas Diez, Manuel Olazabal eta Lydia Miranda. Ekitaldi xume, baina eder eta hunkigarria izan zen. Batzokia gainezka, belaunaldi desberdinetako jendearekin, emozioak dantzan, eta gutako asko malkoei eusteko lanekin. Balio dezatela lerrotxo hauek omenduekiko nire miresmena eta esker ona adierazteko. Beti apal, beti zintzo eta beti esker oneko izan zaretelako. Lanerako prest beti. Ez bakarrik une gozoetan, baita latzenetan ere. Azken horietan neurtzen da pertsonen balioa, eta tamalez une zailak ere pasa behar izan ditu gure alderdiak eta gure herriak aspaldi luzean: ilegalizazioa, gerra, diktadura, trantsizioa, gatazka, zatiketa… Konpromisoa ez da hitzekin erakusten, baizik eta ekintzekin. Bizimoduekin.
Honaino iritsi baldin bagara, zuei eta zuek bezalakoei esker izan da. Jakin ezazue eredu zaretela eta izango zaretela beti guretzat. Egin dugu aurrera, eta jarraituko dugu aurrera egiten, Zarautz eta Euskadi aske, baketsu, solidario eta duin baten alde.
Jarraitu irakurtzen

TAO, badago zer hobetu

Zarauzko TAO

Joan den astean gure alderdiak prentsa oharra kaleratu zuen Zarautzen TAOren kudeaketan izandako irregulartasun eta gorabeherak argitzeko eskatuz. Beti esan dugu TAOrena oso gai konplikatua eta delikatua dela, ikuspegi zabala, eta entzuteko eta akordioetara iristeko gaitasuna eskatzen duena. Konplexutasun horrekin, TAO behar bezala kudeatzea erronka handia da edozein alderdiarentzat. Erronka horri ezin zaio aurre egin aldarte inposatzaile batekin aurre. Gai korapilatsu honetan Bilduri gertatu zaiona paradigmatikoa da eta ezin hobetu islatzen ditu oro har kudeaketa politikoan izan dituen gabeziak. Hementxe batzuk:

KOHERENTZIA FALTA: Atzera askorik egin beharrik ez dago ezker abertzaleak urtetan zehar TAOren aurka izandako aurkako jarrera berreskuratzeko; helburua dirua biltzea besterik ez zuela, sistema ezeraginkorra zela… sekulako kritika egin zien Udalaren aurreko kudeatzaileei. “TAOrik ez” lelotik, ordea, TAO lehen aldiz herri osoan ezartzera igaro da oso denbora gutxian, erakundeetan ardura hartu orduko.  

AKORDIO POLITIKORIK EZ: Adostasun zabala eskatzen duen gai hau, gutxien-gutxieneko adostasunarekin atera zuen Bilduk aurrera. Alderdi guztiek aurka bozkatu zuten, PP izan ezik. Ppren abestentzioari esker berdinketa izan zen bozketa, eta berdinketa hori hausteko, alkatearen kalitatezko botoa erabili zuen. Ez da lehen aldia eta ez dirudi azkena izango denik. Jarrera inposatzailearen adibide garbia.  

Jarraitu irakurtzen