Soziometroaren kopuruek estaltzen ez dutena

soziometroa 2

Abendua izan ohi da urte osorako genituen egitekoak bete ditugun ala ez aztertzeko garaia, eta hala, Gipuzkoako Foru Aldundiak bere azken soziometroaren emaitza esanguratsuenak aditzera eman ditu gipuzkoarron hainbat gaien inguruko balorazioa, hausnarketak eta nahiak zeintzuk diren hobeto ezagutzeko.

Hedabideetako lerroburuek indar politikoek lortzen duten emaitzetara joko dute, baina herritarren kezkak beste alde batetik doaz. Ekonomiaren sustapena, langabezia eta gertukoen egoera dira gipuzkoarrok gehien kezkatzen gaituzten kontuak, eta 6,42koa da geure egoera pertsonalari jartzen diogun nota. Ez da emaitza txarra COVID-19 sasoi honetan lortutakoa, nahiz eta herritarren % 70,8 kezkatuta egon, % 48,9 goibel sentitu eta % 30,6k bakarrik dagoela adierazi. Beraz, ondo gaudela diogu, baina ez nahiko genukeen bezain ondo. Lanketa osoan zehar, gaia edozein dela ere, gipuzkoarren heren bat gaizki ari dela pasatzen eta ezezkor dagoela agertzen da. Oraindik gurean ere desberdinkeriari aurre egiteko asko dugula ondorioztatzen dugu.

Azken aldian hizpide izan diren beste gai batzuen inguruan ere jasotzen du herritarren iritzia soziometroak, eta horien artean deigarria egin zait, beste kontu batek lortu duen emaitza: nagusien zaintzak lortutako 6,13ko nota, eta erabiltzaileen senitartekoei galdetuz gero, emaitza hori hobetu egiten dute eskainitako zerbitzu guztietan. Pozgarria benetan, jakinda zein nolako esfortzua egin duen Gizarte Politikako talde osoak pandemiako garai gogorretan. Horretaz gain, egun Foru Aldundiaren kudeaketaren ardatz diren erantzunak aztertu ondoren, beste behin ere, Gobernu Kontseiluak gainditu egiten du 5,70eko notarekin bere eguneroko jarduera; oposizioak,berriz, eznahikoa jasotzen du: 4,84.

Jarraitu irakurtzen

Naziogintza, elkarlanean

 

Captura de pantalla 2021-09-23 a las 9.28.07
Zuzeu webgunea. 2021-09-23.

Izurriteak agerian utzi ditu herri honen autogobernuaren indarguneak eta ahuleziak. Osakidetza edota gure zaharren egoitzak, esaterako, ondo baino hobeto kudeatu dira eta bat-batean hartu dira erabaki erangikorrak. Aldiz, Sanchez presidenteak, gure herriko eskumenei burla eginez, aldiro-aldiro telebistatik aditzera ematen zituen pandemiari aurre egiteko erabakiak. Denok ari begira nola zapaltzen zituen orain arte lortutakoak, eta aldi berean ezin ezer egin, egoera larrian baikeunden.

Gaitza gainditzen ari garen honetan, beste kontu batzuk ditugu hizpide, besteak beste,  euskararen osasuna. Hezkuntzan ez omen dira emaitza txukunak lortzen ari, eta kalean ere ez omen dugu gure aurrekoek egiten zuten maiztasunez egiten. Markel Olanok, Gipuzkoako diputatu nagusiak, azkenengo adierazpenetan azaldu du bere kezka. Ez da berria eta Karmelo Landak ere bat egiten du egoera horrekin. Bi euskaldun, bi abertzale nahiz eta muturka dabiltzan bi alderditako kide izan. Nire ustez hortxe dago koxka. Gure artean ika-mikan gabiltzan bitartean besteak dira nagusi.

Jarraitu irakurtzen

Eskerrik asko, irakasle!


075389DB-9CCB-40A5-AE63-B3CFB032904A_1_201_a

Dagoeneko hasi dira gure herrian ikastola eta ikastetxeetako gela hutsak ilusioz betetzen. Aurreko ikasturte xelebre harekin alderatuta, aurtengoa lasaiago edo ohikoago izango delakoan, Jokin Bildarratz hezkuntza sailburuaren hitzek kilikatu egin naute euskal hezkuntzaren ereduaren ituna lortzeko gertu gaudela adierazi duenean. Ez da, ez, berri txarra datozen belaunaldien heziketa nolakoa eta zein baliabiderekin izan behar duen sinatuz gero. Berri ona izango da hau hezkuntzako eragile nagusien babesa lortzen bada, eta benetako hauspoa garai berri hauetan.

Hala eta guztiz ere, protagonismoa beste batzuek izango dute kurtso berri honetan, eta ez dira ikasleak izango, irakasleak baizik. Erabakia guztiz garrantzitsua eta aldiro-aldiro egin beharrekoa. Gure etxeko gaztetxo eta gazteen heziketa dago beraien esku, eta horrek duen garrantziaz ez gara askotan jabetzen. Garai batean andereñoek eta maisuek beti zuten arrazoi; orain, berriz, badirudi inoiz ez dutela. Familia eta gizarteko zati gero eta handiago batek ez die eman beharreko babesa eskaintzen, eta horregatik da inportantea urte honetan gure begirada beren egunerokoan jartzea, egiten dutena baloratzea eta prestigioan jartzea. Ziur naiz gustuko izango dutela aipamen hau, baina benetan bihotzera iritsiko zaiena betikoa izango da: ikaslearen hitz goxoak ikasturte bukaeran.

Jarraitu irakurtzen

Berdintasunaren ateak

Ficobako sarrera. 2020-11-20
Ficobako sarrera. 2020-11-20

Egonezina, noraeza eta kezka. Hiru hitz horiek ondo jasotzen dute, nire ustez, bizi duguna. Goizean goiz irratian entzundakoa zaharkitua gelditzen da gaueko albistegian. Dena oso azkar doa, eta ez dakigu zer datorkigun. Etxera bidean nindoala, bero doan udazken honetan, gure etxe inguruko zuhaitzen adarrak asko mugitzen zirela ohartu nintzen, nahiz eta enborrak ondo sustraituak egon. Eta irudi horren haritik, gure herriari ere gauza bera gertatuko zaiola pentsatu nuen, COVID-19 gaitza behin gainditu ondoren. Euskal gizarteak baditu ondo sustraitutako balore batzuk; besteak beste, berdintasuna. Estrategiak, planak eta egitasmoak non-nahi daude, baina kontua da horiek nola gauzatu, nola bihurtu ekimen. Hor dago koxka.

Aurreko astean hizpide izan zen Gipuzkoako Foru Aldundiak ezgaitasun intelektuala dutenei zuzendutako lehen lan eskaintza publikoa. Ehun pertsona baino gehiago aurkeztu ziren Irungo Ficoban egin zen azterketara. Urduritasuna eta ilusioa izan ziren nagusi. Guraso, antolatzaile, zaintzaile, eta nola ez, egun horretako protagonistak. Beste urrats garrantzitsu bat inklusioaren aldeko apustuan. Orain dela hiru urte,  Gobernantza Departamentua eta Gureak erakundea elkarlanean hasi ziren pertsona hauentzat Aldundian egon daitezkeen lanpostu egokien azterketa eta identifikazioa egiten. Gerora, beste erabaki asko hartu dira ibilbide aitzindari honetan. Urratsez urrats, herri honetan batzuen eta besteen ezagutza, bizipenak eta eskarmentua kontuan izanda, iritsi gara desgaitasun intelektuala dutenei ere euskal erakundeen ateak parez pare irekitzera.

Jarraitu irakurtzen

Gipuzkoa eredu

integridad

Azken bost urteetan asko aldatu gara. Krisi ekonomiko larria izan dugu eta oraindik ere ondorio latzak ari gara pairatzen. Ez dugu berdin lan egiten eta ziurrenik ez dugu berdin pentsatzen. Uste baino gehiago aldatu da gure gizartea eta onerako edo txarrerako izan den, hurrengo belaunaldiek esango digute.

Garai gogor honetan, euskaldunon gizatasunaren balioa nolakoa den ezagutzeko aukera ere izan dugu. Euskal Herria beti izan da herri solidarioa eta hala izan da aitortua. Gizarte sare garrantzitsua sortu dugu, inor bazterrean gelditu ez dadin. Ekonomia sozialerako enpresak eta gizarte politika aurreratuenetarikoa duen herria da gurea, eta Gipuzkoa da ziurrenik hori hoberen islatzen duen lurraldea. Hala diote behintzat azken inkesta eta ikerketek.

Hau guztia esanda, aitortu beharra dago gure arteko mesfidantza ere areagotu egin dela.  Egungo gizarte gipuzkoarra ez da gure gurasoek ezagutu eta bizi izan zuten bezalakoa. Lehen irakasleek ikastolan beti zuten arrazoia, orain, berriz, gutxitan. Lehen, ohikoa zen auzoko harategian hileroko erosketak egitea eta hilabete bukaeran dena batera ordaintzea; orain, ordea hileroko erosketak merkataritza gune erraldoietan egin ohi ditugu. Seguraski gizarte modernoago batean bizi gara, baina onartu beharra daukagu askatasun, konfiantza eta alaitasun pixka bat ere galdu dugula.

Politikagintzan ere oso epe laburrean gauza asko ari dira aldatzen. Sakoneko aldaketak ari gara burutzen euskal administrazioetan herritarren nahi berriei egokitzeko. Herritarren eskaerak handitu egin dira, erantzun berriak jaso nahi dituzte eta, batik bat, herri ordezkarien jokabidea zuhurrago izan dadin espero dute. Izan ere, erakundeak kudeatzen dituzten pertsonen jokabide esparrua ondo adieraztea garrantzitsua da, printzipio eta baloreak ondo zehaztuz. Gipuzkoa horretan ere eredu eta erreferente izan nahi du, eta, horregatik, Aldundian, onartu berri dugu, edozein elkartek, enpresak edo eragilek egiten duenaren antzera, sistema integral berri bat.

Jarraitu irakurtzen

Gipuzkoa, cada vez más transparente

La Diputación de Gipuzkoa es, desde hace unas semanas, la primera institución pública de Euskadi que da a conocer la agenda diaria de sus más altos representantes. Una información que en otros países como Inglaterra o EEUU está disponible y es de obligada publicación desde hace años, y cuyo acceso facilitan también, más recientemente, instituciones como la Comisión Europea. Cualquiera puede consultar, a través de la nueva web de la Diputación –www.gipuzkoa.eus-, a qué dedicamos los diputados y diputadas  nuestro día a día, a qué actos acudimos y con quién nos reunimos. De forma sencilla, accesible y actualizada, a través de un calendario similar al que la mayoría utilizamos en nuestro correo electrónico.

Jarraitu irakurtzen

Markel Olano, Diputatu Nagusi berria

Sorpresarik onena, maiatzeko hauteskundeen ondotik. Gipuzkoak Ahaldun Nagusi berria izango du: Markel Olano Arrese. Ondo ezagutzen dut Markel. Besteak beste, berarekin parez-pare lan egiteko zortea izan dudalako. 2007-2011 legealdian, bere kabineteko kide izan nintzen, eta legealdi hartako azken bi urteetan berriz, Herritarren Partaidetzarako bulegoa martxan jarri eta Partaidetza zuzendari izateko ardura eman zidan. Izan ere, politika eraberritzeko eta Gobernu Onaren aldeko apustua egiteko nahia ez da atzo goizekoa. Ordurako garbi ikusten genuen politika egiteko modu irekiagoa, gardenagoa, parte-hartzaileagoa eta partekatuagoa ezarri behar genuela. Derrigorrezkoa zela elkarlanaren alde egitea, dudarik gabe, bai herritarrekin, bai eragile sozial eta ekonomikoekin, eta baita erakundeen artean ere.

Erronka potoloak izango ditu esku artean Markelek. Behinena, ekonomia eta enpleegua sustatzea. Lanik gabe daude 44.000 gipuzkoarrei eta gorriak ikusten ari diren enpresei alternatibak eskaini behar zaizkie. Aberastasuna lortzeko eta, horrela, ongizate sistemari eusteko, ekoizpen ehuna modernizatu, indartu eta nazioarteratzeko ahalegina egin behar da. Horretarako, zerga sistema ere aldatu behar da. Eta hondakinen kudeaketan, garraio azpiegituretan, euskara eta kulturan zein normalizazio politikoan ere badago zer egin.

Seguru nago Markelek ez duela huts egingo, eta bere gobernuak egonkortasuna, kudeaketarako gaitasuna eta seriotasuna ekarriko dituela. Seguru nago ere alderdikeriarik gabe gobernatuko duela, gizpuzkoar guztion beharrak eguneroko kudeaketaren ardatz gisa hartuta. Zorionak, eta zorte on, Markel!

Jarraitu irakurtzen

Gipuzkoarrok prest

Joan den larunbatean, Gipuzkoa Prest dinamika aurkeztu genion lurraldeko gizarteari, gure alderdiak Batzar Nagusietarako, Donostiarako eta beste 15 herritarako aurkeztuko dituen hautagaiak ezagutarazteaz gain. “Pertsona askeek osaturiko gizarte askea” eraikitzen laguntzea helburu duen proiektua. Horretarako baditugu pertsonak, eta baditugu ideiak. Luzaroan aritu gara lurraldeko elkarte eta eragileekin, beraien proposamenak jasotzen eta lantzen, eta ahalegin horren emaitza dira aurkeztu ditugun lau gaikako Prest dokumentuak: Gobernu Onari, Gizarte Ongizateari, Ekonomiari, eta Estrategia Politikoari buruzkoak. Hemendik aurrera, dokumentu horiek berriz ere kontrastatuko eta eztabaidatuko ditugu herritarrekin eta herri-eragileekin, guztion artean ekintza politiko irekiagoa, etikoa, eraginkorragoa, eta autokritikoagoa diseinatuko dugun itxaropenarekin. Ilusio handia pizten duen proiektua da eta niretzat ohore eta plazer handia izaten ari da honen antolaketan parte hartzea.

 

Jarraitu irakurtzen

Nuestro compromiso

El sábado por la mañana un centenar de jóvenes candidatos por EAJ-PNV nos reunimos en el Parque Tecnólogico de Miramon para hacer evaluación de lo realizado desde la Oficina de Participación Ciudadana de la Diputación y presentar nuestros compromisos  en esta materia. Eneko Goia, proximo alcalde de Donostia, presentó las ideas y el siguiente decálogo.

COMPROMISOS PARA IMPULSAR LA PARTICIPACIÓN CIUDADANA

1.     Impulsar programas específicos de comunicación directa con la ciudadanía en Euskadi para informar y deliberar sobre las políticas públicas de las instituciones. FORU ALDUNDIA ZURE HERRIAN o GIPUZKOA ERAIKITZEN constituyen unos buenos ejemplos para seguir profundizando en la relación entre instituciones y ciudadanía.    

Jarraitu irakurtzen

LIDERGO SENDO ETA ARGIA BEHAR DU ZARAUTZEK

EAJ-PNVk Urola Kostako alkatetzetarako hautagaiak aurkeztu genuen igande goizean , Otzarreta jatetxean egindako ekitaldian. Bertan izan ziren, besteak beste, Markel Olano Gipuzkoako diputatu nagusia eta Joseba Egibar, GBBko lehendakari eta Eusko Legebiltzarreko bozeramalea. Hantxe geunden  zerrendaburu denak: Jon Redondo (Orio), Aia (Igor Iturain), Zumaia (Montse Arana), Andoni Aristi (Getaria) eta ni Zarauzko alkatetzarako hautagai bezala.

Dagoeneko osatua dugu hautagaitzaren zerrenda osoa. Horrez gain,hauteskunde programaren ildo nagusiak, mamitze bidean diren herriko proiektuak, egiteke daudenak, eta gure alderdiak proposatzen dituen beste batzuk biltzen dituen dokumentu luzea ere adostu dugu. Azken hilabeteetan “sukalde lanetan”  herriko hainbat eragile eta pertsonekin biltzen ari gara, geure ideiak azaltzeko eta kontrastatzeko, eta gure proiektua osatzeko ekarpen berriak jasotzeko.

Jarraitu irakurtzen